کیک پر میری کرسمس لکھنے سے کراچی کی نجی بیکری نے انکار کر دیا…کسٹمر خاتون کا ڈیلیزا بیکری کے خلاف احتجاج

0
810 views
کیک پر میری کرسمس لکھنے سے انکار
Spread the love
شہر قائد کراچی کی مشہور و معروف ڈیلیزا بیکری کا نام تو آپ سب نے ہی سنا ہوگا۔ان کی ایک برانچ کے ایک ملازم نے اپنے خریدار کی خواہش کے تحت کیک پر ’میری کرسمس‘ لکھنے سے صاف منع کر دیا، اور کہا کہ بیکری کے انتظامیہ نے انہیں ایسا نہ کرنے کا حکم دیا ہے۔ جس کی وجہ سے اس مشہور و معروف بیکری کو سوشل میڈیا پر شدید تنقید کا نشانہ بنایا جارہا ہے اور انہیں خوب کھرا کھوٹا بھی سنایا جارہا ہے۔
مشہور ومعروف بیکری پر مذہب کے نام پر فرقہ ورانہ اور تفریق کا سامنا کرنے والی خاتون کسٹمر کی طرف سے اس واقعے کو سوشل میڈیا کی ویب سائٹ فیس بک پر ایک گروپ میں وائرل کیا گیا۔
کیک پر میری کرسمس لکھنے سے انکار
Image Source: Instagram
جس میں خاتون نے لکھا کہ جب وہ کیک خریدنے کے لیے اس بیکری کی ڈیفنس خیابان جامع میں واقع برانچ پر گئی تھیں اور کیک خریدنے کے بعد جب خاتون نے ورکر سے اس پر ‘میری کرسمس’ لکھنے کو کہا تو اس ورکر نے ایسا کرنے سے صاف منع کر دیا اور اتنا ہی نہیں بلکہ یہ بھی دعویٰ کیا کہ انہیں اس سلسلے میں انتظامیہ سے ایسا نہ کرنے کے آرڈر دیئے گئے ہیں۔
انھوں نے مزید کہا کہ،
’’اگر وہ اقلیتوں اور ان کے مذہب کے خلاف ہیں تو انہیں ان کے تہواروں کے ذریعے سے پیسہ کمانے کا بھی حق نہیں ہے۔”
ڈیلیزیا بیکری سے ان کے اس غیر اخلاقی،نامناسب اور غیر پیشہ ورانہ رویے پر انہیں شدید غم اور مایوسی ہوئی ہے اور اتنا ہی نہیں سوشل میڈیا پر بھی سخت ناراضگی اور غصہ دیکھا جا رہا ہے۔ کسٹمرز نے ڈیلیزیا کی انتظامیہ سے یہ بات واضح کرنے کا مطالبہ کیا کہ کسی نے اس پالیسی کا اقرار کیا ہے یا نہیں اور خاتون کی پوسٹ کو زیادہ سے زیادہ شئیر اور وائرل کیا جا رہا ہے تاکہ ان کی آواز سنی جائے۔

اس تمام واقعے کے سوشل میڈیا پر وائرل ہوجانے کے بعد ڈیلیزیا بیکری کی انتظامیہ نے خاتون سے رابطہ کیا اور اس واقعے کے مطابق انہوں نے بیکری ملازم کی طرف سے معافی مانگتے ہوۓ کہا کہ کیک پر ‘میری کرسمس’ نہ لکھنے  والی کوئی پالیسی نہیں ہے۔
کیک پر میری کرسمس لکھنے سے انکار
Image Source: Screengrab
اسی حوالے سے ڈیلیزیا بیکری کی سینئر انتظامیہ نے بھی ڈان امیجز سے اس واقعے کے بارے میں گفتگو کی اور انہیں بتایا کہ یہ صرف ایک شخص کا کیا دہرا ہے اور ہم اس کے خلاف سخت کارروائی بھی کر رہے ہیں اور یہ ہماری کمپنی کی پالیسی نہیں ہے۔ یہ تعلیم اور شعور کی کمی کی وجہ سے کیا گیا ہو۔ ‘میری کرسمس’ کا مطلب ہے کسی کو کرسمس کی مبارکباد دینا، اس کے علاوہ اور کچھ نہیں ہے۔ انہوں نے اس واقعے کی مزمت بھی کی اور اس کے ساتھ انھوں نے اس پر شدید غم اور افسوس کا اظہار بھی کیا۔مزید یہ کہ کمپنی اس واقعے کے حوالے سے اور اپنا موقف واضح کرنے کے لیے بہت جلد سوشل میڈیا پر بھی ایک بیان جاری کریں گے۔
مزید ایک دوسرے کسٹمر نے بھی دوسری بیکری میں اسی طرح کے رویے کی گواہی دی ہے اور بطور ثبوت اسکرین شارٹس شئیر کرتے ہوئے کہا کہ “ابھی آنٹی منور بخاری کے ورکرز کی انتظامیہ کو ایک کسٹمر کو کیک پر میری کرسمس لکھنے سے انکار کرتے ہوئے دیکھا گیا ہے۔

میرے بہنوئی نے اس کسٹمر کا جو پرجوش جو آئسنگ کی درخواست کر رہا تھا اور میری کرسمس لکھنے کو کہا تو اس نے کہا کہ ہمیں کوئی مسئلہ ہے تو مالکان سے رابطہ کریں۔