اسلام آباد سمیت پورے ملک میں بجلی کا بڑا بریک ڈاؤن ہونے کی وجہ سے ہر طرف اندھیرا چھاگیا ہے۔ نیشنل ٹرانسمیشن اینڈ ڈسپیچ کمپنی (این ٹی ڈی سی) کے 500 کے وی کی لائن ٹرپ ہونے کی وجہ سے باقی لائنز بھی ٹرپ کر گئیں اور اس وجہ سے پورے ملک کو بجلی کی فراہمی معطل ہوگئی۔
Some 500KV lines in NTDC Network have tripped, that’s been the usual culprit in previous nationwide electricity outages and the current one
— Faseeh Mangi (@FaseehMangi) January 9, 2021
وزیر اعظم عمران خان کے معاون خصوصی برائے سیاسی روابط ڈاکٹر شہباز گل کا بریک ڈاؤن کے حوالے سے کہنا ہے کہ ’عمر ایوب وزیر برائے بجلی اور ان کی پوری ٹیم بجلی ٹرپ ہونے کے ایشو پر کام کر رہی ہے۔ میری ابھی ابھی ان سے بات ہوئی ہے انشاللہ جلد آپکو آپ ڈیٹ کرتے ہیں۔‘
ایک اور ٹویٹ میں ڈاکٹر شہباز گل نے کہا ’ برائے مہربانی اطمینان رکھیں، سب اللہ کا شکر ہے،اس بڑی فنی خرابی کی کوئی وجہ ہے جسے تلاش کیا جا رہا ہے۔‘
برائے مہربانی اطمینان رکھیں۔ سب اللہ کا شکر ہے۔ یہ بڑی فنی خرابی کی کوئی وجہ ہے جسے تلاش کیا جا رہا ہے۔ https://t.co/VRflwtEQcj
— Dr. Shahbaz GiLL (@SHABAZGIL) January 9, 2021
ڈپٹی کمشنر اسلام آباد کی جانب سے بتایا گیا ہے کہ این ٹی ڈی سی کا سسٹم ٹرپ ہوا ہے جس کی بحالی میں وقت لگ سکتا ہے۔
NTDC system tripped. It will take sometime before everything gets back to normal. #blackout #electricity
— Office of Deputy Commissioner Islamabad (@dcislamabad) January 9, 2021
Source: DailyPakistan
