اکثروبیشتر آپ لوگوں نے یہ بات غور کی ہوگی اور انڈے کھانے کے شوقین افراد نے اسے ضرور ہی دیکھا ہوگا کہ جب وہ تازہ انڈے کو توڑ کر فرائی پین میں ڈالتے ہیں تو بعض اوقات اس کے اندر سے لال خون کے چھوٹے چھوٹے دھبے بھی آجاتے ہیں۔ آئیے اس بارے میں جانتے ہیں کہ ایسا آخر کیوں ہوتا ہے؟
ایک غیر ملکی تحقیق کے مطابق انڈے کے اندر خون کے دھبے اس وقت موجود ہوتے ہیں کہ جب مرغی کے انڈے دینے کےعمل سے گزر رہی ہوتی ہے اور اسی دوران اگر کوئی نس پھٹ جاتی ہے تو یہ لال دھبے نظر آجاتے ہیں۔ عام طور پر یہ سب سے زیادہ اس وقت ہوتا ہےکہ جب ایک مرغی روزانہ انڈے دینے لگے۔
ایسے انڈے آپ کے گھر میں اس وقت آتے ہیں کہ جب آپ اسے اپنی قریبی دوکان سے خریدتے ہوں گے۔
کیا ایسے انڈے کھانا صحت کے لیے نقصان کا باعث ہیں؟
خون کے دھبوں کا ہونا کافی عام بات ہے اور کسی بھی تشویش یا خطرے کا سبب نہیں ہوتے اور کھانے کے لیے بھی بالکل محفوظ ہوتے ہیں۔بس آپ صرف اس سرخ حصے کو چمچ کے ذریعے سے الگ کرکے اسے استعمال میں لے لیں۔