لاہور میں ایک اور واقعہ، رکشے میں بیٹھی لڑکی ہراساں، اور اس بار بھی کوئی مرد نظر نہیں آیا

0
258 views
harassment
Spread the love
یوم آزادی کے موقع پر لاہور کے گریٹر اقبال پارک میں پیش آنے والے افسوسناک واقعہ کے بعد چنگچی میں بیٹھی لڑکی سے اوباش نوجوان کی نازیبا حرکت کی ویڈیو سامنے آگئی۔
تفصیلات کے مطابق چنگچی رکشہ میں بیٹھی لڑکی کے ساتھ اوباش لڑکے کی نازیبا حرکت کی ویڈیو سوشل میڈیا پر وائرل ہوئی ہے، ویڈیو میں دیکھا جاسکتا ہے کہ ایک شاہراہ پر نوجوان ہلڑ بازی کررہے ہیں اور اسی دوران چنگچی رکشا میں جانے والے ایک لڑکی کو نوجوان رکشے میں چڑھ زبردستی بوسہ دیکر فرار ہوتا ہے اس صورتحال سے لڑکی اچانک شدید پریشان ہو جاتی ہے۔
اس دوران کیمرے سے ویڈیو بھی بنائی جارہی ہے، ایسے میں کئی اور نوجوان بھی چنگچی رکشا کی جانب بڑھتے ہیں لیکن لڑکی کے ساتھ بیٹھی دوسری لڑکی چپل اتار ان کی طرف آنے والوں کو روکتی ہے۔

واضح رہے کہ 14 اگست کے موقع پر لاہور کے گریٹر اقبال پارک میں خاتون ٹک ٹاکر سے دست درازی کا خوفناک واقعہ پیش آیا، خاتون کی درخواست پر 400 نامعلوم ملزمان کے خلاف مقدمہ درج کرلیا گیا ہے۔

واقعہ کی ویڈیو وائرل ہونے پر وزیراعلیٰ عثمان بزدار نے فوری کارروائی کا حکم دیتے ہوئے ویڈیو کے مدد سے ملزمان کو گرفتار کرنے کا حکم دے دیا ہے۔
وزیراعلیٰ عثمان بزدار کا کہنا تھا کہ خاتون کو انصاف دلانا حکومت کی ذمہ داری ہے۔

LEAVE A REPLY

Please enter your comment!
Please enter your name here